Míles ta haña kastigu inhustamente serka Ministerio Públiko

30
den 2000 kaso e kastigu impone pa OM tabata inhustu
DEN HAAG—Míles di hende a keda inhustamente kondena pa deskuido di Ministerio Publiko.

Esaki segun NRC a base di informashon di OM ku e korant a pidi bou di lei di transparensia. Segun e informashon ta parse ku no semper ta bai bon ku determinashon di kulpabilidat. Tin falta di prueba òf dokumentonan no ta kompleto. Tin biaha a duna sentensia pa un delito robes. Den 2017 esaki a tuma lugá den kasi  2000 kaso segun NRC. For di 2008 OM por impone kastigunan manera but, oranan di trabou ets pa delitonan ku kastigu maksimo di 6 aña sin intervenshon di hues. Segun e korant ta trata di robo, violensia, poseshon di arma i droga, disturbio of destrukshon. Manera tabata di spera OM a refutá ku ta kondena hende inhustamente. Ku investigadónan di OM ta yega na otro konklushon ku e fiskal ku ta duna kastigu, no ta nifiká ku e kastigu ta inhustu, pero ta indiká ku persepshonnan ta diferente. Segun OM e sifranan ta positivo pasobra den 2016 den 15% di kastigunan impone tabata sin sufisiente prueba kompará ku 6% den 2017.