Piratanan a firma Ronald Bloem i Shaquile la Croes

59
Momentu ku e as picher Ronald Bloem èks picher di Firebirds a kaba di pone su firma ku e tim pirata den presensia di Paul Tram hòmber grandi di Pirata i tambe mènedjer Ramiro Balentina.
Willemstad,– Santa Maria Pirates a titulá kampion di beisbòl “AA” 2018 ganando e seri final 4-2 kontra Wild Cats. Esaki no a nifiká ku e piratanan a drumi i nan a sigui aktivá riba merkado liber i a bin logra haña dos piska masha grandi mes den persona di e dos hobennan Ronald Bloem èks picher di Firebirds i tambe e picher Shaquille Lacroes, èks Groot Kwartier Stars.

Ku e dos atkisishonnan aki mesora e ekipo ta dal un stap grandísimo den direkshon di otro titulo i nan ta bisando tambe ku ainda no ta kla i ku por spera mas piska grandi, paso Tio no sa kue bòshi piska, pero kada un ku e kue ta un. Hasta tin papia di un fanátiko ku tambe ta pensando na kambia kolo próksimo temporada.