Sithoc na kabes den segundo divishon FFK

52
Akshon den wega entre Sithoc i Deportivo Sta Rosa.
WILLEMSTAD—E ekipo di Sithoc, di bario di Muizenberg i bisindario, ta nan so den kabes, pa loke ta e tabla di posishon den di 2 divishon di futbòl FFK, aktualmente.

Un ke otro despues di nan triunfo di djaluna último. Esaki ora ku den e di dos wega di anochi, djaluna último, nan a derotá e ekipo di Deportivo Sta Rosa, ku skor di 2-1.

KU e 3 puntonan aki, nan ta totalisá 10 punto, despues di a realisá 4 wega.

Hulio Christina a anotá na ámbos okashon pa e ekipo ganadó, miéntras ku pa e ekipo pèrdèdó, tabata Ninomar Fairbairn, kende a sòru pa nan úniko gol.

Rèfri Simon a dirigí e wega aki, unda faltando 6 minüt pa final, e la ekspulsá tantu e tékniko, komo masahista di e ekipo di Sithoc.