Torneo hubenil di ahedres

25
Ahedres pa nos hobennan.
WILLEMSTAD—Djadumingu benidero, dia 9 desèmber 2018, ta fecha pa grandioso torneo hubenil di ahedres. E kompetensia aki, lo ta organisa pa e ekipo di ahedres ‘Nacho’ Moron i lo tuma lugá na e edifisio di SSK na Schouwburgweg, enfrente unda ántes tabatin e edifisio di Centro Pro Arte.

Lo bira un kompetensia programá pa inisiá 1’or di trai mèrdia i lo tèrminá 5’or di atardi, ku premiashon. Entre 12’or te ku kuartu pa 1 di mèrdia, por inskribí grátis. E evento lo ta repartí den kategorianan U-8, U-10, U-12, U-14 i U-16. Lo hunga 5 buèlta sistema suiso ku 20 minüt pa hungadó pa wega. Durante di e evento di ahedres hubenil aki, e ekipo organisadó ta sòru pa ‘Ice Tea’ i tambe pasaboka, pa partisipantenan.