Visepresidente di Ecuador retirá for di su kargo

43
El a tuma tempu pa por defendé su mes pa loke e ta keda akusá di dje.

ECUADOR – E presidente di Ecuador, Lenin Moreno, a separá Maria Alejandra Vicuna di e visepresidensia pa asina su lugá keda okupá pa e sekretario general di su atministrashon, Jose Augusto Briones.

Esaki aparentemente debí Maria Alejandra ta keda investigá pa delitunan di korupshon i a solisitá e mandatario un pèrmit for di su funshonnan pa por ehersé su defensa.

Segun a keda publiká pa e muhé mes riba su kuenta di Twitter, su intenshon ta di no afektá e gobièrnu i den mesun rosea a hasi un pedido forma pa spesifiká ku e ke ta liber di su labornan públiko te ku dia 31 di desèmber.

Di su banda, e mandatario a ekspresá ku el a aseptá e pedido pa asina e muhé por ehersé su derechi di legitimá su defensa.

Ta importante di indiká ku e muhé ta vinkulá ku un supuesto kaso di kobramentu iregular di plaka, presuntamente usá pa finansiá e partido Alianza Bolivariana Alfarista. Esaki ta keda investigá i pa e motibu aki e muhé a pidi un retiro temporal pa por harma su kaso i di e forma aki defendé su mes den loke nan ku e ta keda akusá di dje i loke ta ninga rotundamente di ta responsabel di dje.