Warda Kosta a interseptá boto yená ku persona indokumentá

76
Willemstad— No ménos ku 37 persona indokumenta  a keda detené  djaluna den oranan di anochi na e parti Oost di Kòrsou den un boto ku tabata tratando pa yega nos kosta.

 

Djaluna den oranan di anochi Warda  Kosta a reakshoná riba un kontakto sospechoso ku nan a tuma nota di dje na e parti Oost di Kòrsou. Mesora a bai den e direkshon pa asina wak kiko por tabata pasando. Ora ku a yega na e sitio unda a señalá e kontakto sospechoso a bin tuma nota di un boto estilo Yola ku no ménos 37 persona indokumenta abordo entre nan asta un menor di edat. Mesora a kuminsá hasi e trámitenan pa tur e ilegalnan aki wòrdu transportá pa base di  Warda Kosta na Parera. Tur e ilegalnan aki a keda entrega na Polis pa nan por kontinuá ku e investigashonnan.