20 empleado di belasting investigá pa froude ku nan propio ‘aangifte’

36
sekretario estado Snel: empleadonan Belasing mes tabata hasi ‘aangifte’ inkorekto
DEN HAAG—20 empleado di Belasting ta keda investigá pa a komete froude ku nan propio deklarashon di belasting segun fiskus.

16 empleado a haña retiro den 2017 i 2018. Esaki segun un karta ku sekretario di estado di Finansa Menno Snel a manda pa Tweede Kamer. El a pidi klaridat riba e kaso despues ku e notisia a lèk den Telegraaf. Si empleadonan di Belastingdienst ta duna informashon inkorekto esaki ta duna un mal ehempel na otro pagadónan di belasting, segun Snel. Ta pa e motibu aki froude òf informashon inkorekto ta ser konsiderá den e departamentu komo violashon di integridat, loke por kondusí na retiro. 16 di empleadonan ku a faya a haña retiro kaba. Ta trata di empleadonan ku pa años tabata hasi ‘aangifte’ inkorekto, segun Snel. 20 otro empleado ta bou di investigashon pa fayonan similar.