90 hende detené den akshon kontra mafia italiano

36
na Hulanda a detené 5 sospechoso di mafia Ndrangheta
AMSTERDAM—Polis na Hulanda a detené 5 sospechoso ayera mainta den un akshon grandi internashonal kontra e banda di mafia Ndrangheta.

Ta trata di 4 hulandes i un italiano. Banda di esaki polis a konfiská laptop, telefon, míles di euro i 140 kilo di xtc. Asina FIOD a duna di konose durante un konferensia di prensa na Den Haag. Polis a tene entrada den Zoetermeer, Den Haag, Amsterdam, Amstelveen, Velsen, Rotterdam, Tegelen i Sittard. Fred fiskal Westerbeke a bisa ku ayera tabata un dia importante. A trese un mensahe importante pa gruponan di krimen organisá, ku no ta nan so ta opera na frontera. Segun Bert Langerak, director di Fiod esaki ta un bon resultado di un koperashon internashonal. Na Italia, Belgika i Alemania tambe kriminalnan di e grupo kriminal a keda detené. A detené un total di 90 hende, konfiská 2 mion euro i kasi 4000 kilo di kokaina. Un di e kriminalnan ku a detené na Alemania ta hulandes. FIOD a start un investigashon den 2014 despues a ku a deskubrí ku restorantnan Venray i Horst tabata para pa kappa pa labamentu di plaka i trafikashon di droga. Tambe tabatin sospechoso riba e restorantnan relashoná ku froude ku seguro i insendio. Segun hustisia italiano e banda Mafioso Ndrangheta no a keda derota pa e akshon. Ta un organisashon fuerte i riku. Pero ta un sla duru pa nan segun un bosero italiano durante un konferensia di prensa.