E dos nan di mas grandi Limania i Originales dilanti Strak Strak Barbershop

122
E tin nos Kultura duru pega na su Kurason.

WILLEMSTAD,—-Despues ku algun luna tras di lomba nos a drenta ku e informashon ku, e aña aki e tradishon di Tambú ku tabata tuma lugá pa basta aña dilanti Strak Strak Barbershop, pero ku aña pasa esaki a wanta un ratu pa motibu di pèrmit.

Nos mes a bin ku e notisia ku den luna di desèmber Tambú ta bai kuminsá zona dilanti di e sitio ariba menshoná. I tambe nos a bisa ku Grupo Limania G ta esun nan ku ta bai perkurá pa pone ambiente riba e promé djaweps di desèmber ku ta Noche di Kompras den Punda.

‘E Mulina’, a drenta den kontakto ku gerente di Strak Strak Barbershop ku ta Germain Bruken, i nos a puntr’é ku si tur kos a keda manera ku nos a skibi algun luna tras di lomba. Germain a bisa ‘E Mulina’, ku “Djaweps 6 di desèmber lo bai tin Grupo Limania i Originales, dilanti Strak Strak Barbershop, esaki ta un tradishon ku ta tumando lugá pa 23 aña, ku eksepshon di aña pasa, pues den e forma aki mi ta invita tur hende pa yega Punda, pa asina tur hende por gosa di Grupo di Tambú Limania i Originales, promé ku mi lubidá lagami bisabu ku e ambiente ta di 7 pa 11 di anochi, kòrda tur hende bin ku nan bon komportashon”.

Esei nan tabata palabra di Germain Bruken ku sin duda tin nos Kultura hopi pega na su Kurason. Pues awe nochi Chapi i Bari i Originales ta bai zona dilanti di Strak Strak Barbershop, despues di 1 aña ku esaki no a tuma lugá.