Gino Virginie ta bai toka ku ICONS BY GIO na Boneiru

158
E ta bai ku ICONS BY GIO Boneiru 21 di desèmber.

WILLEMSTAD,—-Di informashon ku a drenta na mesa di redakshon di ‘E Mulina’, ta bisa ku. E drùmer  Gino Virginie ku ta forma parti di agrupashon musikal Orkesta Vega, ta bai Boneiru ku e banda ICONS BY GIO, esaki lo bai ta dia 21 di desèmber.

Nos a haña informashon ku, riba e fecha ariba menshoná pa motibu di trabou Almier “Timba Kok”Faries no por biaha ku su agrupashon musikal pa asina e presentá na Boneiru, esaki a pone ku mes ora ICONS BY GIO a hasi e apelashon riba Gino Virginie pa e por remplasá Almier “Timba Kok” Faries pa e presentashon na Boneiru ku ta tuma lugá dia 21 di desèmber awor.

‘E Mulina’, a drenta den kontakto ku Lim ku ta e Roadmanager di ICONS BY GIO. T’asina ku Lim a konfirmá na ‘E Mulina’, ku en bèrdat Almir no por bai ku ICONS Boneiru pa motibu di su trabou, i esaki a pone ku nan a hasi un apelashon na Gino Virginie pa e bai ku nan Boneiru.

Nos tin ku bisa ku den pasado Gino tabata forma Qsign Mellowstreet, pues ta trata aki di un músiko ku ta bon konosí pa tantu Lim i Chals Albero i ta un músiko super talentoso, pues pa un okashon Gino ta bai presentá ku agrupashon musikal ICONS BY GIO den nan debut na Boneiru. Nos tin ku bisa ku ICONS BY GIO ta bira e promé banda ku den ménos ku 7 siman ta presentá tantu na Aruba i Boneiru, esaki tambe ta bai den buki di historia di nos farándula.