Hòmber guatemalteko kondená na 160 aña pa asesinato

54
Hòmber kondená na 160 aña di prizòn.

GUATEMALA – E hòmber guatemalteko identifiká komo Clementino Nufio Garcia, a keda kondená na un total di 160 aña di prizòn despues di keda deklará kulpabel pa kuater kaso di asesinato kontra hende muhé i unu kontra un hende hòmber.

Segun Ministerio Públiko, e kondena a keda emití pa e Tribunal di Sentensia di Chiquimula, departamento na oriente di Guatemala.

Esaki nan a indiká ku Nufio a keda deklará kulpabel di asesinato di Antolina Perez Raymundo, Sandra Margarita Perez Raymundo, Margarita Perez Raymundo i Arcadia Raymundo Gomez, tur integrantenan di e mesun famia.

Ademas, pa e krímen di José Neftali Perez Vasquez i pa e asesinato tentativo di otro hòmber.

E asesinatonan aki a keda registrá na e munisipio di Camotán, na e departamento di Chiquimula, dia 4 di desèmber di aña 2011 tras di lomba.