Hòmber ta hinka eks pareha na su trabou

77
Tipo di arma blanku ku e hòmber a usa den su atake.

BUENOS AIRES – Tabata na momentu ku tabata habriendo un lokal, unda un señora eks pareha di un hòmber tabata traha, ku esaki a presentá i ataká esaki ku un kuchú. Ta trata aki di un tienda di paña na Argentina.

Segun a indiká, tabata trata aki di un tienda di paña pa mucha, esaki nan tabata habri i e víktima tabata bariendo i e hòmber, su eks pareha, tabata pará di forma sumamente menasante den porta di e tienda.

Tabata despues di krusa algun palabra ku otro, ku e hòmber a drenta i ataká e señora aki ku un kuchú. Esaki a keda heridá na altura di su garganta, kara, skouder, brasa i lomba na su banda robes. Inkluso un pida di e arma blanku a keda den esaki su lomba.

Despues di kometé e akto, kua a keda kompletamente kaptá pa kámaranan di seguridat, e hòmber a sali kore, subi riba e baiskel ku el a bini kuné na e sitio i e kore bai.

Doño di e tienda, kende tabata patras na momentu di e atake, a sali na momentu ku el a tende algu gritu di su trahadó i a haña esaki na sanger bentá na suela. E parti bon ta ku e víktima no a pèrdè konosementu na ningun momentu i por a indiká presisamente na outoridatnan kiko a sosodé i ken ta esun responsabel.

E hòmber, identifiká komo Cristian Oliva di 30 aña di edat, a keda detené algun ora despues den serkania di su bibienda. Segun outoridatnan e kaso aki ya ta konosí, ya ku e muhé ya a yega di denunsiá e hòmber aki, e kaso a keda tratá i wes a indiká ku e hòmber no tin mag di aserká su mes na e muhé.

Awor esaki lo tin di hasi su mes responsabel pa a faya ku e òrdu di un wes i tambe pa e atake kometé kontra su eks pareha.