Imagennan fuerte di atrako riba dama ku demensia

40
ladron den kas di ansiano
HOUTEN—Polis a publika imagennan di un atrako riba un dama ku demensia na Houten.

Un hòmber deskonosí a drenta kamber di un dama di 86 aña mainta tempran mientras e tabata drumi. E kiebro a tuma lugá den anochi di djamars pa djarason den un kompleho di ansiano na Friezenpoort na Houten. E trakadó a drenta e kas di e dama i a listra den sala i kamber. El a bai ku un kaha di prenda, kadena di oro i kartera di e dama. E hòmber a keda grabá pa kamaranan ku yunan di e dama a pone p’asina nan por wak e mama riba distansia. E dama a haña mas miedu despues di e atrako segun su yu a bisa RTV Utrecht. Ta algu teribel loke a pasa den e kas di ansiano. E sospechoso ta un hòmber blanku òf kolo kla. Polis ta pidi esnan ku por rekonosé riba e imagennan pa mèldu.