Inspekshon ta pidi pa trese remedi Valsartan bek

42
remedi valsartan posiblemente kontaminá ku supstansia kanseroso
AMSTERDAM—Inspekshon di Salubridat ta yama pashèntnan pa trese e remedi valsartan bek komo medida di prekoushon.

E remedi ta pa preshon. Den un di e stofnan di e markanan Mylan i Teva a haña konsentrashon haltu di un supstansia ku ta okashoná kanser. Algun luna pasa tabatin un akshon di trese un remedi similar bek. Ta trata di stofnan ku ta pertenesé na nitrosaminen, un kimiko ku ta sali den produkshon di valsartan. Riba nivelOropeo tin reglanan. Inspekshson a enfatisá ku e chens pa haña kanser usando e remedinan ta chikí. Botikanan hulandes tin un promedio di 30 pashènt ku ta usa Mylan i Teva. Ta trata pues di un grupo di 60.000 hende. Pashentnan ku ta usa e remedi por kaba e remedinan ku nan tin, segun inspekshon. Nan lo haña otro remedi pa remplasa esaki. Inspekshon ta konseha pa no stop ku e remedi sin konsultá dòkter of botika.