Polis buskando hòmber gravemente heridá den eksploshon

74
polis buskando víktima ku a kima den eksploshon snackbar
SCHIEDAM—Polis ta buskando un hòmber ku mester a keda gravemente heridá den un eksploshon na un snackbar na Schiedam.

Esaki a tuma luga djarason mardugá. Testigunan ta bisa ku un hende a kana bai kasi na kandela despues di e eksploshon. Tambe a haña un karson kimá. E hòmber pues ta grave segun polis a konkluí. Ta di sumo importansia ku e hòmber buska yudansa mediko den hospital. Servisionan di emergensia a haña diferente melding alrededor di 1:15 di zonidonan fuerte i un eksploshon serka di un snackbar den Parkweg. Tabatin kandela ku hopi huma. Pa e motibu aki mester a evakua un flet ku 24 bibienda. No ta konosí si e hòmber tabata envolví den insendio. Investigashon ta sigui pero mester haña e víktima pa e risibí tratamentu. Alrededor di 50 habitante a keda ubika den sentro di bario.