Tur kos ta kla pa Christmas Fashion Paradise show djadumingu awor

103
E tambe ta bai tei djadumingu awor den W.T.C.

WILLEMSTAD,—-Djadumingu awor 9 di desèmber den WTC tin e tremendo Modeshow kompaña ku kanto i baile. Mas di 100 mucha a inskribí pa partisipá na e show aki i a parti e muchanan den dos show ku ta di 1’or i di 5’or. E muchanan ta for di 3 aña i algun di nan ta bai modelá riba e esenario huntu ku nan mama i tin algun nan so huntu ku tur e otro mucha i tinernan.

Tur e partisipantenan ta bon prepará i nan I nan mayornan a gusta i ta entusiasmá pa por Brinda Kòrsou un bunita show di Pasku modelando e trahenan bunita di Kids Paradise. Trainingnan ta tumando lugá i awor nan ta kabando ku e último detayenan pa nan kada un por duna un bunita presentashon.

Tambe tin kantantenan solista di Showbizz Danny Yanga ku ta bai entretené tur presente ku piesanan masha bunita durante e modeshow i show ku ta bai hinkabo den e ambiente di Pasku i fin di aña. Pues garantisá un bunita show.

Kantante nan ku lo bai tei ta Angely Francisco,Royuenna Rellum,Dante Marcano i Shentely Zimmerman. Mas ku klaro Danny Yanga tambe ta bai entretené tur presente ku algun kansion. Pues si bo no tin bo karchi ainda yama nos awe mes. Paso a sobra solamente algun karchi algun, por yama na 560-6225. Kòrda ku aden ta konta pafó ta propaganda no paga.