Djasabra 8’or Nos Goso lo bira kampion na Post 6

116

Willemstad,– Despues ku e ekipo di Nos Goso a logra gana e promé wega di e seri final mihó di tres di All Star League, e próksimo wega lo ta djasabra awor pa 8’or di anochi den parke di Post 6. Vigilante a papia ku Leonise Avastia kende ta un di esnan na kabes di e ekipo Nos Goso i tambe di e All Star League.

Segun Leonise e seri mihó di tres lo terminá djasabra awor na Post 6, paso nan ta bini pa kaba e kos mirando ku nos ta drentando fin di aña.
Leonise a bisa ku bèrdat e promé wega tabata hopi pareu ku hopi kareda, pero ku e no ta kere ku esei lo bai ta e kaso djasabra awor. E ta invitá tur amante di sòfbòl pa yega trempan, paso wega lo bai ta tremendo.