Roy Jacoba a anunsiá Jeffrey i Gèyo tambe pa Artemisia

190
Royston ‘Roy’ Jakoba ku intenshonnan super serio den Liga 50, kòrda esun para banda di dje no tin nada di haber ku e aktividatnan di Roy

Willemstad,– E kosnan ta sigui kayente pa loke ta Liga 50 sòfbòl i despues ku nos a publiká ku Roy Jacoba ta bai Artemsia pa mesora klasifiká i ku e ta bai ku pichernan manera Wim, Calbao, Gibi Henriette i Noni de Roon, ta masha hopi hende mes a bira nervioso. Vigilante tabatin kontakto ku Roy kende a bisa nos ku ta masha hopi yama mes e tambe a risibí.

El a splika Vigilante ku esei tabata djis un ñapa i ban kòrda ora ku nan mester tende kua ta e hungadónan ku lo djòin esnan di Artemisia ademas di e pichernan. Nos a tende nòmber di Jeffrey Martina i tambe su ruman kende ta Gregory “Geyo’ Zimmeman ku lo pasa pa e tim di Roy Jacoba ku por el momento lo keda yama Artemisia. Roy a bisa nos un nòmber, pero el a bisa ku esei lo tabata e nòmber ku e lo a usa si e Liga lo a permití pa e drenta ku su mes ekipo, pero pa aworakí e ekipo ta keda ku e nòmber Artemisia.