Encho Uka i Nito Polis a dal hopi duru den “Den Do Mayó”

244
Uka a bedei Kòrá Faneite algun kos serio ayera.
WILLEMSTAD,—-Ayera atardi e popular komediante Encho tabata invitado den e programa di farándula riba Facebook di Korant Vigilante “Den Do Mayó”, ku ta keda presentá pa Kòrá Faneite, tur djabièrnè tres or di atardi.

Nos tin ku bisa ku di bèrdat Encho ta un talento nobo ku mester bai tene hopi kuenta kuné den futuro, paso ta trata aki di un persona ku tin su meta su dilanti. Ayera durante di e entrevista Encho a bisa ku e ta hopi gradesido ta tur hende ku di un manera òf otro a yega di yud’é, paso sin nan e lo no a yega kaminda ku e ta awe.

T’asina ku durante di e entrevista dado momentu  Encho a presentá na muhé bisti, kaminda ku e ta hunga e ròl di Uka, e dama en kuestion aki ta un yu di Kòrsou ku a bai bida na Hulanda, pero ku despues di 1 luna e la bolbe bèk Kòrsou.

For di awe nos ta bisa ku e figura di Uka aki, ta bai bira hopi popular, mirando ku ayera su potrèt a kuminsá ta skeiru tur kaminda i den app di basta hende i no papia mes riba e sistema di Facebook. Nos tin ku bisa ku ayera nochi unda ku nos a yega tur hende tabata puntra nos unda Uka e keda. Na final di e programa tambe a presentá Nito Polis, ku sin duda tin e kaya bon dominá den e seri di “Ban Hari ku Chokoi. Pa tur esun nan ku ke wak e programa “Den Do Mayó”, por subi riba Facebook i bai riba Vigilante, djis bo ta buska un ratu i bo ta haña e programa mira.