Franksjen Vos pa promé biaha den Tumba ku Buleria

353
E ta den Tumba 2019 ku komposishon di Doña Elia Isenia.

WILLEMSTAD,—-Último aña nan aki e interes den kantante nan di Aruba pa bin partisipá den nos Festival di Tumba ta hopi haltu. Mas i mas kada aña ta bin un i òf mas aserka pa partisipá den Festival di Tumba di Kòrsou, esaki sin duda ta bon, paso di un manera òf otro e ta krese festival di Tumba i mas esaki mas grandi.

Djabièrnè siman pasa ‘E Mulina’, tabata na Aruba, i aki nos a bin haña diferente informashon pa loke ta trata moveshon ku tin den farándula na Aruba. Ya for di djasabra tras di lomba nos a haña informashon ku e kantante di e hit di momentu “Oh Djadja”, Franksjen Vos ta bai hasi su debut otro aña den Tumba 49.

Tambe nos tin informashon ku Doña Elia Isenia ta kompositor di eFranksjen Vos i mas ku klaro Dwight Leoneta ta esun ku ta areglá e Tumba i mas ku klaro agrupashon musikal Buleria ta bai kompaña e kantante ariba menshoná.

‘E Mulina’, tin ku bisa ku e ritmo di Tumba, ta kore den sanger di Franksjen Vos, paso for di chikitu e la yega na partisipá den festival di Tumba Hubenil na Aruba, i na diferente okashon e la yega di gana festival di Tumba hubenil tambe. Nos a haña di komprendé ku Franksjen ra ranka un Tumba mes un kos ku Doña Elia Isenia.