Fundashon Alélimo ta tene un tremendo “Festival di BOLO”

206
E ta trahando hopi duru pa ku Tumba Hubenil 2019.

WILLEMSTAD,—-Djadumingu 16 di desèmber Fundashon Alélimo ta tene un “Festival di BOLO”. Un aktividat kreativo basá riba e kustumber di tin kos di boka dushi na kas durante e temporada di fiesta den desèmber.

Ku e aktividat akí Fundashon Alélimo ta rekoudá fondo pa kubri gastunan relashoná ku preparashon di e hóbennan den kompetensia pa Tumba Hubenil 2019.  Yuda nos forma e hóbennan den artistanan lokal; hóbennan positivo, ku karakter i perseveransia. Yuda nos duna nan un eksperensia inolvidabel.

Persona – òf instansianan ku ke kontribuí na nan manera, por drenta den kontakto ku nos na telefòn 527 0737  òf email tumbahubenil2019@gmail.com. Masha danki pa malkriá bo mes i aportá na nos muchanan. Ora: 11’or pa 3’or i e sitio ta na FFK ‘ántes NAVU patras di SDK’.