Willemstad—- Polis mester a bai ayera den oranan di mardugá na un negoshi riba Jan Noorduynweg ku a risibí bishita di ladron unda a bai ku basta telefon.

Tabata den oranan di mardugá ku ladronnan a  logra di subi riba dak di e negoshi Babu’s situá riba Jan Noorduynweg. A destruí e eternitnan pa asina pasa via di e plafon baha den e negoshi mes. Siendo den e negoshi a bai na un rèki unda tabatin e telefonnan warda i a kue un kantidat di esakinan bai kuné. Na yegada di Polis ya e ladronnan a bandoná e sitio. A pone e doño na altura ku a presentá pa asina kue un inventario di tur loke a bai kuné pa asina por a entrega un denunsia.