Willemstad— Un motosiklista ku vários herida na su kurpa a keda transportá pa Poli despues di tabata envolví den un aksidente riba e kaminda di Banda Bou nèt na altura di krakeel.

Segun e motosiklista víktima e  tabata koriendo riba e bròmer despues di a Sali for di Kloof den direkshon di Tera Kòrá. Yegando nèt na e krusada forma pa e kaminda di Krakeel i e kaminda pa bai Soto un outo mester a lora su dilanti. Esaki a pone ku e la pasa raspa den e  parti patras di e outo bai kai leshonando su mes. E outo a bai para na un distansha pa despues a lora bin bek na e sitio di e aksidente. Shofùr di e outo a deklará manera semper ku e no a wak e bròmer aserkando. Debí ku e motosiklista a sufri vários kòrtá na tantu man, pia i tambe barika a bai Poli kuné den ambulans. bròmer a keda tras ku basta daño material.