Rijunior Eugenio e promé yu di Kòrsou ku a Solt Out un aktividat na Aruba

358
E la bira e promé yu di Kòrsou ku a Solt Out un evento na Aruba.
WILLEMSTAD.—-Ketu bai nos yu nan di Kòrsou ta keda hasi historia. Nos a keda informashon ku e hóben promotor Rijunior Eugenio ku ta na kabes di Because Entertainment Center. Ku mañan e tin un aktividat grandi na Aruba, i ya for di tres dia tras di lomba tur karchi di e evento a kaba.

Ta trata aki di e promé edishon di “Real 2 Real labada edition”. T’asina ku tambe lo bai tei na Aruba MC. Monti, MC OZ, i Dj Decky, tambe lo bai tin un agrupashon musikal ku ta hopi popular na Aruba. Nos tin informashon ku lo bai tin koredó nan di Boneiru, Aruba i mas ku klaro di Kòrsou.

Pero loke ta ku tópiko di kombersashon den kaya, tantu na Kòrsou i na Aruba, ta e echo ku e yu di Kòrsou Rijunior Eugenio ta bisa e promé yu di tera ku ta Solt Out un aktividat na Aruba. Nos a keda pone na altura ku nunka promé esaki no a yega di pasa na Aruba.

Nos tin informashon ku tin hopi hende ta sali awe i mañan pa Aruba, pa asina nan por bai mira e promé edishon di “Real 2 Real Labada Edition”. Tin hopi atenshon rondó di e evento en kestion. For di aki nos ker a manda un pabien pa Rijunior pa ku e logro ku e la sa di pone riba su nòmber te na Aruba.