Rumor fuerte ku “Kleine Man” por pasa forma parti di Grupo Limania

158
Tin un kos ta kushina den Kushina di Shon Ka.

WILLEMSTAD,—-Otro informashon ku ta bai perkurá pa sende un kandela hopi grandi den nos farándula, prinsipalmente den ámbito di Tambú. Ayera mèrdia nos a haña notifikashon di un moveshon ku por ta na kaminda.

E moveshon aki ta bai rondó di e popular kantante “Kleine Man” i e grupo di Tambú mas grandi di 2018 ku ta Grupo Limania. Asina ku nos fuente a bisa nos ku, e chèns ta hopi grandi ku “Kleine Man” por pasa forma parti di Grupo Limania, na momentu ku e ta na Kòrsou ku fakansi.

Esaki ta nifiká ku na momentu ku e kantante ta na Kòrsou e ta presentá ku Grupo Limania G so. ‘E Mulina’, a drenta den kontakto ku tantu Skwiri ku ta gerente di Grupo Limania i tambe ku “Kleine Man”, pero ámbos su telefon tabata rin bai sera.

Mas den lat nos a komprendé ku Skwiri tabata den presentashon ku Grupo Limania, esaki a tuma lugá dilanti Strak Strak Barbershop. Awe durante dia ‘E Mulina’, ta bolbe bai tuma kontakto ku ámbos persona, pa asina nos sa kiko tin di bèrdat di e informashon ku nos a risibí serka di nos fuente.