Efrem Mambi a hasi un tremendo trabou ku ICONS

183
E la saka kara djasabra tras di lomba den Club Spoons ku ICONS BY GIO.
WILLEMSTAD,—-Hopi wowo tabatin riba Efrem Mambi djasabra tras di lomba den Club Spoonz, tur esaki tabata pa wak si Mambi si por laga e banda ICONS BY GIO zona manera tur hende a kustumá di tende e banda zona.

Pa nos no bai den historia di e dos promé presentashon nan di e banda, tantu na Kòrsou i na Aruba. Awe nos ta bai para ketu un ratu riba e hóben Efrem Mambi ku a ser pone komo esun ku ta bai perkurá pa loke ta trata zonido na momentu ku e banda ICONS ta presentá.

T’asina ku di komentario nan ku tin den kaya for di djadumingu mardugá despues di e presentashon di ICONS BY GIO den Club Spoonz, tur hende ku tabata den e fiesta ta papia bon so di Efrem Mambi. Nos tin ku bisa ku Efrem Mambi a perkurá pa e banda zona grandi i limpi.

Esaki sin duda a trese un trankilidat den e agrupashon musikal. Mirando ku e echo ku tabata asina tantu reklamo rondó di e zonido na dos diferente fiesta ku ta esun na Kòrsou i despues na Aruba. Djasabra tras di lomba Mambi a pèrkurá pa tur esaki nan por bai den buki di pasado, i keda tambe den e buki di pasado. Sigur ‘E Mulina’, tin ku felisitá Efrem Mambi pa ku su bon trabou tras di mixer pa agrupashon musikal ICONS BY GIO.