Hopi ICONS BY GIO djasabra tras di lomba den Club Spoonz

210
Nan a dal duru den Club Spoonz.
WILLEMSTAD,—-Djasabra tras di lomba agrupashon musikal ICONS BY GIO a presentá pa promé biaha den Club Spoonz. Den kaya e atenshon pa e fiesta aki tabata hopi grandi, pero na final di e anochi si, fanátiko nan di e banda no a presentá masal mente manera ku a spera di nan.

Pero loke ku tabata hopi importante ta ku e banda a zona bestial, i ta esaki ta loke ku hopi hende ker a mira di ICONS BY GIO. E agrupashon musikal a duna un super bon presentashon, kada kantante a duna tur ku tin di nan parti.

E presentashon di djasabra tras di lomba, tabata e di kuater presentashon di ICONS BY GIO, e promé tabata tres di novèmber den W.T.C. ku ta nan debut, e di dos tabata demostrashon di trahe di Grupo A Lo Loko, e di tres tabata 1 di desèmber na Aruba den kombinashon ku Buleria i djasabra tras di lomba nan di kuater salida den Club Spoonz.

Otro siman e banda tin otro kompromiso, esaki lo bai ta nan di sinku presentashon ku ta bai tuma lugá na Boneiru. Pues den ménos ku 6 siman ICONS BY GIO a presentá na Kòrsou, Aruba i Boneiru, pues tres Isla den Reino Hulandes e banda ta bai stèmpel su nòmber. Nos por bisa trankil ku agrupashon musikal ICONS BY GIO tabatin un super bon presentashon den Club Spoonz djasabra tras di lomba.