Korant Vigilante a haña rekonosementu serka organisashon Nantje’s Crew

109
Momentu ku Kòrá Faneite a risibí e rekonosementu.

WILLEMSTAD,—-Djasabra último dia 8 di desèmber  organisashon Nantje’s Crew a sende e lusnan di e pesebre mas grandi den aria di Montaña, banda ariba i bisindario pa di 15 aña. Tabata un anochi masha ameno kaminda ku tabatin un marcha protokolario kompaña pa youth generation brass i tambe e embahadornan di Marvelous production huntu ku tur e representantenan i baluartenan ku e aña aki a risibí nan rekonosementu serka e organisashon di Nantje’s Crew.

Entre otro Sr: Kòrá Faneite di korant Vigilante, Sr: Stanley Ignacio di korant extra, Sr: Giovani Abath i esposa di Kara Production,Sr: Glenn Thomas di planta Nashonal Tele-Curaçao, Sr: Roland Walter di kor Los Carmelitas i tambe representantenan di radio mas 99.7 i Coca-Cola. Riba e anochi aki tabatin diferente presentashon di diferente artista invita manera Tyeisha Bernabella ku a intrepeta nos himno di Kòrsou. Mas aleu

Fabian Martina komo  e kreador di e obra bunita aki a papia na nòmber di organisashon di Nantje’s Crew i a duna algun palabra di satisfakshon na tur esnan presente. Di akinan organisashon di Nantje’s Crew kier a invitá komunidat kompletu pa pasa bin atmirá i sostené e hóbennan di Nantje’s Crew aki ku ta hasiendo un bon trabou den aria di pariba.

E pesebre ta ubika na kaya kané hanchi pabou di Toko Jomali na Montaña. Zijweg di kaminda Venancio Isenia. Entrada ta pòrnada. Pa kualke informashon por tene kontakto ku e organisashon na number di telefon : +5999 681-8627.