Muhé di 84 aña ta mata èks pareha di 80 aña

132
Despues ku e hòmber mes tabata prohibí di aserká e muhé.

MONTEVIDEO – Un muhé di 84 aña di edat a hasi uso di un arma di kandela pa asina pone fin na bida di su eks pareha, di 80 aña. Esaki na e lokalidat di Santa Lucia, ubiká den e departamento di Canelones, na sùit di Uruguay.

Segun e fiskal a indiká, e hòmber tabatin un prohibishon di aserkamentu ku a keda imponé na luna di novèmber tras di lomba. Pero no a duna mas informashon, mirando ku e kaso ainda ta den pleno proseso di investigashon.

Esaki nan a sigui indiká ku nan ta wardando e investigashonnan i lo bai hasi un rekonstrukshon di e echonan próksimamente.

Di otro banda, e fiskal a señalá ademas ku na Uruguay, e kaso di formalisá pa un prosesamentu, e hendenan di mas ku 70 aña no ta bai prizòn, si no ku nan ta permanesé i kumpli ku nan kastigu na kas mes.
No tin ningun informashon di kiko presisamente a sosodé i provoká e akto aki, kua sigur a hala hopi atenshon i konmoshoná e pueblo i tambe otro paisnan. Sigur tin hopi atenshon pa sigui wak kiko lo sali di e kaso aki.