Atrako ku pata di kabra den kas di famia

134
Willemstad— Polisnan mester a bai na un kas den e bario di Caracas pa un kaso di ladronisia ku violensia unda e habitantenan a keda menasa ku pata di kabra.

Algun suheto a logra di drenta den un kas den e bario di Caracas unda a menasa e habitantenan ku pata di kabra pa asina por a kue algun pertinensha nan. Pa por drenta den e kas e tiponan aki a habri un bentana di e kas unda nan a bin topa ku e yabi di e porta di kas pone riba e rant di e bentana. Esaki a hasi nan entrada den e kas  mas fásil i asina a drenta i menasa e habitantenan ku e pata di kabra. A logra di bai ku telefon i tambe pòtmòni di e habitantenan. Promé ku nan bai asta nan a listra den un di e vehíkulonan stashoná den e kura di kas pero no a haña nada di balor pa por a bai kuné. Polis i tambe e tim di atrako a keda dirigí pa e kas pa asina por a kontinuá ku e investigashon.