Grupo Sorpresa ta sali djabièrnè awor pa Boneiru

157
Nan ta sali djabièrnè awor pa Boneiru, kaminda ku nan ta bai tin tres presentashon.

WILLEMSTAD,—-Djabièrnè awor e grupo di Tambú Grupo Sorpresa ta sali pa Boneiru, kaminda ku nan lo bai tin tres presentashon. T’asina ku esaki ta e di 10 aña ku Grupo Sorpresa ta bai presentá na Boneiru, aña pasa ta e úniko aña ku nan no a bai.

Nos tin informashon ku Grupo Sorpresa ta duru den studio di grabashon, pa ku nan kompakto nobo. Ya for di siman pasa Monchi ku ta kantante di Grupo Sorpresa a manda un piesa nobo na diferente radio emisora, mester bisa ku e piesa ta zonando bon i ku tin hopi atenshon pa e piesa.

Loke tambe ku nos tin ku bisa aserka ta e echo ku otro siman djarason Grupo Sorpresa lo bai ta den kombinashon ku Zojojo i su Grupo, pero mas importante ta ku riba e dia en kestion Monchi ta bai topa ku Oyo e Rei di Tambú.

Esaki ta nifiká ku nan ta bai Boneiru, pa asina kada músiko kome bon kuminsá di laman, pa asina ora ku nan yega Kòrsou bèk, nan tin e forsa pa nan topa ku Zojojo i su Grupo i Oyo e Rei di Tambú. Nos tin informashon ku tambe lo bai tei e grupo di Tambu nobo ku ta Grupo Brasa Brasa.