Highway Band por hasi nan debut den Tumba 2019

174
E chèns ta hopi grandi ku nan dos por bai ku Highway Band den Tumba 2019.

WILLEMSTAD,—-Di informashon ku a drenta serka di ‘E Mulina’, for di un fuente, ta bisa ku e chèns ta hopi grandi ku e entertainment band Highway Band por bai hasi nan debut den e di 49 edishon di Festival di Tumba ku ta tuma lugá den Curaçao Festival Center dia nan 4,5,6 i 8 di febrüari.

Nos fuente a bisa ‘E Mulina’, ku mirando ku tin rumor nan fuerte den kaya ku agrupashon musikal DREAMS despues ku a partisipá 8 aña den festival di Tumba, no ta bai partisipá otro aña, esaki por habri porta pa e entertainment band por hasi nan debut den Tumba 49, paso e popular kantante i ku e dos aña nan aki a duna un tremendo presentashon den festival di Tumba ku ta Roald Balentien ta forma parti di Highway Band.

Tambe e chèns ta hopi grandi ku e legendario kantante ku e aña aki ta bai pa empatá e rekòrt di dft Harry Zimmerman ku su 33 partisipashon den festival di Tumba. Ta trata aki di e kantante Gabrielo “Cuco” Cruz ku tambe por bai partisipá ku Highway Band si dado kaso e desishon aki ku nan ta bai partisipá den Festival di Tumba 2019, sigur den kas nan tin dos kabai sumamente peligroso, kòrda ku na aña 2010 “Cuco” a sali promé finalista, i aña pasa Roald Balentien a dal hopi duru den su regreso despues di 10 aña ku e Tumba “kara, kara”. Pues manera semper ku nos ta bisa “Tempu ta e mihó maestro den e kaso aki”.