HYPE ta bai presentá e mihó nan di 2018 den Ritmo Kombiná

99
Nan ta kla pa rementá Club Spoonz for di otro djasabra awor.
WILLEMSTAD,—-Djasabra awor lo bai ta hopi grandi den Club Spoonz, paso pa promé den 2018 bo ta bai haña e kuater piesa di mas grandi den 2018, pa loke ta trata Ritmo Kombiná. Ta trata aki piesa nan ku a bira hit grandi.

E kuater kantante nan ku ta bai tei den Club Spoonz i ta bai keda kampaña musikal mente pa agrupashon musikal HYPE ta Clinton Hato ku tin e hit di mas grandi riba su nòmber ku ta “Kon a bai”, Chemsz ku e aña a ki tambe a pega un hit grandi ku ta “Pidi P’abo”. Gilmar Fraites ku su piesa a kuminsá zona for di aña pasa i a keda zona den 2018 “Slip Sluip Drenta”i mas ku klaro tambe lo bai tei den e lugá Url Isenia i Dan Dan ku nan hit “E lugá ku mi meresé”. Ku tambe a dal hopi duru e aña aki.

Pues djasabra awor ta un fiesta so ta bai tin den nos farándula lokal. Kaminda ku pa promé biaha e kuater kantante di mas kayente i eksitoso ta bai topa ku otro bou di mes un dak. Ta bon pa ‘E Mulina’, bisa esaki, ban kibra ku e tradishon ku tin na e momentu aki di kana yega fiesta lat. Ban bèk na e fundeshi ku nos grandi nan a pone pa nos pa mas di 100 aña, kaminda ku tur fiesta tabata kuminsá 9 or, si nos ke imitá nos grandi nan, ban kuminsá yega fiesta pa mas tarda 11 or dia anochi. Paso si nos wak bon, e úniko manera pa bo gosa di e kuater kantante nan i di agrupashon musikal HYPE ta si bo yega Club Spoonz trempan, i gosa di “The Best Of 2018”.