“Los Compadres”ta selebrá 15 aña den nos farándula

224
Mañan nan ta selebrá 15 aña aktivo den nos farándula.
WILLEMSTAD,—-Mañan 12 di desèmber e agrupashon di salsa Son Los Compadres de Curaçao ta kumpli 15 aña di eksistensia. Los Compadres ofisialmente a ser fundá 12 di desèmber 2003 i e agrupashon aki tabata tin e honor di por tabata aktivo kontinuo durante tur e 15 añanan aki.

Djadumingu 16 di desèmber di 7 or pa 10 or na Hemingway (Lions Dive Hotel), esaki lo ser selebrá, ku boutiso di un cd konteniendo e repertorio original di Los Compadres. Padrinu i Madrina di e cd aki lo ta dos fanátiko grandi di Los Compadres ku ta Minister Steven Martina i Minister Marilyn Alcala Walle.

Den e cover di e cd tin un relato ekstenso di e historia di Los Compadres.  Pa medio di esaki nos ke invitá amantenan di son i salsa en general i e fanátikonan di Los Compadres en espesial, pa ta presente dia 16 di desèmber na Hemingway. E intenshon ta pa tur fanátiko bini bistí na blanku, manera Compadres semper ta bisti.