ONE a pone CD nobo riba merkado

158
Nan a sera nan ku un CD nobo riba merkado.

WILLEMSTAD,—-Den ménos ku kuater dia agrupashon musikal “ONE” a pone tres piesa nobo riba merkado ku ta nan mes un propio komposishon. E tres piesa nobo nan ta keda kanta pa Dibo-D, Gilmar Fraites i Furgell Wijngaarden.

Pa loke ta trata e piesa di Furgell Wijngaarden su titulo ta “Keda ‘fo”, ta trata aki di un komposishon i areglo di Dibo-D. E piesa kanta pa Dibo-D su titulo ta “Laga mi yena bo”, tur kos ta den man di Dibo-D mes, esta komposishon i areglo. E kantante Gilmar Fraites su piesa ta karga di titulo“Mané mi so por”. Ta trata aki di un komposishon i areglo di Dibo-D.

Tambe nos tin informashon ku awe i òf mañan agrupashon musikal “ONE” su CD nobo ta riba merkado, esaki ta pa sera aña 2018 den gran forma, kaminda ku nan ta trese piesa nan nobo so. No mester lubidá ku tambe nan a dediká un piesa pa Gilbert “Gibi” Doran, titulá “Hopi Gibi”.

‘E Mulina’, a haña oportunidat pa tira un bista den e agènda di “ONE”, i nos mester bisa ku e banda tin bastante presentashon den e luna aki, esaki sigur ta bon, paso e banda no ta para ketu manera ku hopi hende ta pensa, pues awe i òf mañan agrupashon musikal “ONE” su CD nobo ta na tur radio emisora lokal. Riba e CD tin un total di 6 piesa.