Stakamahakchi i Titus ku triunfo ayera

78
Kapitan di Titus, Gero, den akshon.
WILLEMSTAD—E kategoria maskulino pa loke ta klase A di vòlibòl su kampionato ku ta dediká na ‘Dito’ Ravenstein, a sigui ayera.

Un ke otro, unda tabatin 2 enkuentro ku a mira akshon, den sala Errol Rooi na Sentro Deportivo Kòrsou ma Brievengat.

 

Esaki unda ku Stakamahakchi a logra pa derotá Green Tigers 2-0, ku sètnan di 25-22 i 25-11. Den e promé sèt Green Tigers tabatin bon oportunidat pa sorprendé Stakamahakchi, pero e muchanan di Remo Martha ta reakshoná pa bai ku e triunfo.

 

Den e otro wega ku a mira akshon ayera, e ekipo di Titus ta logra un viktoria importante riba Xaverianen. Xaverianen a bini pa tuma revancha riba Titus, pero nan no a logra nan meta i ta keda kòrtiku, pèrdiendo 2-0. Titus ta logra triunfo, ku parsialnan di 25-20 i 25-20.

 

Miéntras tantu e kampionato lo kontinuá, mañan djarason dia 12 desèmber 2018, ku weganan den klase femenino superior.

Stakamahakchi lo enfrentá Green Jewels i Shuatanari lo midi forsa ku Watakeli.

Den wega bálido pa e promé buèlta di aktual kompetensia, Shuatanari a logra un viktoria pèrtá riba Watakeli i tur kos ta indiká ku Watakeli lo presentá mañan pa saka sla, unda kosnan ta inisiá pa 8’or di anochi, na sala Errol Rooi, na SDK.