Christeline Corasol ta den Tumba 2019 ku “G-Spot”

176
E la para duru riba su NO.

WILLEMSTAD,—-Dia 27 di yanüari ta e dia ku 100% tur hende lo sa ken ta den i ken no ta den, pa loke ta trata Festival di Tumba 2019, ku ta e di 49 edishon. E dia nan aki ta masha hopi rumor nan tin den kaya rondó di diferente Tumbero.

Pa loke ta trata e kantante Christeline “Christy” Corasol, ku e aña aki a partisipá ku Rumba Band i ku un komposishon di Doña Elia Isenia i ku a pasa pa e anochi final, ta den plan pa bai otro aña ku e agrupashon musikal “G-Spot”. Esaki ta informashon ku a drenta na mesa di redakshon di ‘E Mulina’,.

Nos a drenta den kontakto ku e kantante “Christy” i nos a bisé di e informashon ku a yega na nos mesa di redakshon ku e chèns ta hopi grandi ku otro aña bo ta bai partisipá ku agrupashon musikal “G-Spot” den Festival di Tumba 2019.

T’asina ku e kantante a kontesta nos lo siguiente,”Na promé lugá felis dia. Lagami bisabu den e forma aki, loke ku bo ta bisami di dje aki, ta un informashon nobo pa mi persona, te na e momentu aki mi no a disidí ainda ku kua agrupashon musikal mi ta bai partisipá kuné otro aña. Un kos si ta 100% sigur ku mi ta den Tumba 2019 ku komposishon di Doña Elia Isenia, nada mas mi no por bisabu nada, te na e momentu nan aki, pues lo bo tin ku warda te dia 27 di yanüari ku Dios ke”.