E mihó nan di Komedia bou di mes un dak

144
E tambe ta bai tei Dos dia di Pasku den Zona Kultural.
WILLEMSTAD,—-Djarason dos dia di Pasku. Dos Fundashon ta uni pa asina trese e mas mihó nan den mundu di Komedia bou di mes un dak. E show en kuestion aki ta bai tuma lugá den dia zona kultural ántes Teater luna blou .

Ta trata aki di un anochi di chiste kaminda ku lo bai tei presente un line up di artista nan ku no tin mester di nada di propaganda, ora ku bo tende e nòmber nan so, ya bo ta kuminsá hari sin ku e show kuminsá. Ta trata aki di artista nan manera Roland “Pachi“ Damoen, Dibo Doran, Chokoi, Finchi “ Wotty di Mangusa “ anto despues di hopi aña Dudy Pinedo “ e mucha kòrá “ ta bèk riba tarima pa trese un tremendo show.

Mi ke bisa Bo ku karchi ta na benta na Beep Beep Rio Canario, Mengsing Caminada, 24 uur uit de muur na pòmp di gasolin santa Maria, anto ku na Zona Kultural ántes Teater Luna Blou, buska bo karchi paso show aki ta bai dal duru mes.

Aserka bo ta kooperá ku dos Fundashon ku ta rekoudá fondo pa sigui duna un man den nos komunidat Esnan ku kier reserva karchi mas ku Unu si por entrega bo esaki kaminda bo ta por yama: 6965529 òf 5662643 Esaki ta e último fecha pa bo bin pasa prèt.