PSV ku Room komo suplente a logra 1 punto

155
Eloy Room.
ITALIA—E ekipo di futbòl hulandes, ku ta militá den Eredivisie, PSV, ayera tabata di bishita na Italia, unda nan a topa e ekipo di kas Inter, den stadion Guiseppe Meazza. 62.533 fanátiko tabata presente pa asina presensiá e enkuentro aki, ku a finalisá empatá na 1 gol.

Tabata PSV ku tabata den bentaha despues di e parti inisial, pero den e parti komplementario e ekipo di kas ta logra anotá pa empatá na 1 gol. Seguidamente e ekiponan ta lucha tenasmente pa e gol di triunfo, pero no ta logra den esaki i mester a konformá ku 1 punto.

Tabata  wega bálido pa Champions League, den grupo B, unda e defensor lateral di ala drechi Denzel Dumfries a hunga durante di hinter e 90 minütnan di wega, unda e la risibí karchi hel den pitu, na minüt 90, miéntras ku kiper di nos selekshon nashonal di futbòl, Eloy Room tabata na banki komo suplente i no a hunga den e wega aki.