Shofùr detené i outo konfiská despues di persiguishon

351
Willemstad— Un shofùr ku no kier a sigui órden duna pa Polis a keda arestá i tambe a konfiská su vehíkulo bai warda kuné pa mas investigashon.

Ayera den oranan di mainta Polisnan a duna shofùr di un outo ku tabata koriendo riba Gouverneur van Landsbergweg e señal pa para su vehíkulo kual e no a hasi. E shofùr a dera tròt bai den direkshon di Otrobanda. Mesora e polisnan a pidi asistensia di mas kolega i a kuminsá ku un persekushon. Tabata te den Otrobanda ku a logra di para e vehíkulo na unda a detené e shofùr pa no sigui órden duna na Polis i tambe di a hinka otronan ku tabata hasi uso di tráfiko su bida den peliger. A konfiská e vehíkulo tambe pa mas investigashon.