Joshua Brenet i Hoffenheim tambe a pèrdè komo bishitante

202
Joshua Brenet.
INGLATERA—Den otro wega tambe bálido pa Champions League, tabata otro di e muchanan, futbolista oriundo di nos dushi Kòrsou, ku a sufri derota ayera.

Den e kaso aki, tabata Joshua Brenet, hungando ku su ekipo Hoffenheim, ku ta kai vensí 2-1. Un ke otro na man di e ekipo di Manchester City. E wega mes a hunga na Inglatera den stadion Etihad, unda e ekipo aleman, di Bundesliga ku ta konta ku Brenet tabata di bishita. E parti inisial di e partido a transkurí empatá na 1 gol i tabata den e segundo mitar di wega, ku e ekipo di kas ta logra anotá un gol mas pa asina logra e triunfo. Joshua Brenet a inisiá i a hunga te na sosiegu, na momentu ku e la keda remplasá, trahando espasio pa un kompañero di ekipo. E wega aki tabata bálido pa grupo F di Champions League.