Little League Pariba: Thaima Maximiliana di Van Engelen di 7-6 Ashton Rifaela ta tira no hitter pa Trai Seru gana Santa Rosa 12 pa 1

236
E picher di Trai Seru Ashton Rifaela ta bai e ruta kompleto sin pèrmití hit pa su ekipo gana di Santa Rosa ku skor di 12 pa 1
Willemstad,– E kampionato di beisbòl di muchanan di Little League Liga Pariba a kontinuá ku algun partido, kaminda un biaha mas e hóben Ashton Rifaela di Trai Seru ta tira un wega sin pèrmití hit pa su ekipo gana di Santa Rosa ku e skor di 12 pa 1 i asina mantené e ekipo di Trai Seru invikto meskos ku e ekipo di Montagne Ariba.

Trai Seru 12 – Santa Rosa 1

Den un wega basta fásil e picher di Trai Seru Ashton Rifaela ta bai e ruta kompleto sin pèrmití hit pa su ekipo gana di Santa Rosa ku skor di 12 pa 1 i asina mantené nan invikto den e aktual temporada.

Pa Trai Seru 12 kareda, 7 hit i 3 eror. Ashton Rifaela a gana i na bate Nathaniel Cijntje a bai di 2-2.

Pa Santa Rosa 1 kareda, 0 hit i 5 eror. Rayhan Sambo a pèrdè i niun di e muchanan di Santa Rosa no a logra konektá di hit.

Trai Seru 3 – Montagne Abou 1

Seguidamente e ekipo di Trai Seru mester a lucha bastante duru pa finalmente logra viktoria ku skor di 3 pa 1 kontra di Montagne Abou pa mantené nan invikto den e kategoria Little.

Pa Trai Seru 3 kareda, 3 hit i 0 eror. Jeziel Boekhoudt a gana i na bate Ruchano Petrona a bai di 2-1.

Pa Montagne Abou 1 kareda, 2 hit i 1 eror. Shairo Vargas a pèrdè i na bate Dowaldy Olivieria a bati di 2-1.

Van Engelen 13 – Santa Rosa 3

Den un otro wega fásil e ekipo di Van Engelen ta nòkout e ekipo di Santa Rosa ku e skor di 13 pa 3.

Pa Van Engelen 13  kareda, 12 hit i 0 eror. Darion Ferero a gana i na bate Thaima Maximiliana a bai di 4-4.

Pa Santa Rosa 3 kareda, 4 hit i 2 eror. Ro-Antly Anastatia a pèrdè i na bate Rayhan Sambo a bai di 1-1.

Montagne Ariba 7 – Brievengat A 1

E ekipo di Montagne Ariba tambe ta logra wanta su invikto den e kampionato di Little League meskos ku tabata e kaso ku e ekipo di Trai Seru ora ku nan derotá e ekipo di Brievengat A fásil ku skor di 7 pa 1.

Pa Montagne Ariba 7 kareda, 7 hit i 2 eror. Givian Servania a gana i na bate Riangelo de la Cruz a bai di 1-1.

Pa Brievengat A 1 kareda, 3 hit i 1 eror. Danery Meyer a pèrdè i na bate Danery Meyer mes i tambe Jeremy Goilo kada unu a bai di 3-1.

Brievengat A 10 – Brievengat B 5

Den un bataya entre e ekiponan di Brievengat, tabata e ekipo A ku ta gana esun B fásil ku skor di 10 pa 5.

Pa Brievengat A 10 kareda, 5 hit i 4 eror. Jeremy Goilo a gana i na bate Danery Meyer a bai di 1-1.

Pa Brievengat B 5 kareda, 5 hit i 7 eror. Rowendrick Hooi a pèrdè i na bate Lorenzo Landaeta a bai di 3-2.

 

Montagne Ariba 18 – Brievengat B 3

E ekipo di Montagne Ariba ta sigui demostrá su dominio i ta mantené su invikto ganando e ekipo di Brievengat B pa medio di nòkout ku  skor di 18 pa 3.

Pa Montagne Ariba 18  kareda, 11 hit i 1 eror. Angemar Raiz a gana i na bate Rubiorne Manuel a bai di 3-3.

Pa Brievengat B 3 kareda, 1 hit i 7 eror. Quyon Zijlstra a pèrdè i na bate Lorenzo Landaeta a bai di 2-1.

Brievengat A 4 – Van Engelen 4

Den e último wega e ekiponan di Brievengat A i Van Engelen a lucha pero finalmente e partido a keda empatá na kuater kareda pa banda.

Pa Brievengat A 4 kareda, 8 hit i 2 eror. Na bate Danery Meyer a bai di 3-2.

Pa Van Engelen 4 kareda, 6 hit i 2 eror. Na bate Thaima Maximiliana a bai di 3-2.

KONTINUASHON

E kampionato di Little League Liga Pariba ta kontinuá e próksimo fin di siman ku weganan na Sabana Ballpark.

 

 

STANDING

  LITTLE G P
1 Trai Seru A 12 1
2 Montagne Ariba 12 1
3 Van Engelen 6 4
4 Montagne Abou 5 7
5 Brievengat A 4 9
6 Santa Rosa 2 10
7 Brievengat B 0 12