Shuatanari ta gana Watakeli despues di fuerte lucha

151
Parti di akshon durante di e partido.
WILLEMSTAD—E ekipo di Shuatanari a logra triunfo ayera, den e úniko partido di vòlibòl ku a mira akshon ayera, kual tabata bálido pa e kampionato 2018/2019. Esaki den sala deportivo Errol Rooi, den Sentro Deportivo Kòrsou na Brievengat.

Tabata wega bálido pa e kategoria femenino superior, unda

Ku e ekiponan di Shuatanari i Watakeli, a enfrentá otro.

Watakeli ku tin pretenshon serio pa alkansá final e aña aki, a sali pone e promé sèt riba nan nòmber 25-18.

Shuatanari ta rekuperá i ta gana e siguiente sètnan 25-17 i 25-14, i tabata den e di 4 sèt, e bataya a bira kayente, unda ku e ekipo di Shuatanari ta pone preshon i finalmente ta bin gana e sèt 25-22, pa asina logra triunfo den e partido.

Miéntras tantu e kampionato di vòlibòl ku ta dediká na ‘Dito’ Ravenstijn, lo kontinuá djadumingu awó, ku diferente partido.