Tula ta yega Kòrsou djadumingu i kuminsá move ku Grupo Ruta

188
Djadumingu awor e ta yega Kòrsou direktamente for di Hulanda.

WILLEMSTAD,—-Djadumingu awor e legendario kantante i kompositor den ámbito di Tambú Roderick “Tula” Bernadina ta yega Kòrsou for di Hulanda. No ta un sekreto ku “Tula” tin basta luna na Hulanda, kaminda ku e ta move bon den ámbito di Tambú.

Nos tin informashon ku na momentu ku e kantante yega, e ta bai move ku Grupo Ruta, manera ku nos a haña e informashon aki, nos a drenta den kontakto ku kabesante di e grupo ariba menshoná ku ta Dj Bradley Valks, nos a bisé di e informashon ku nos ta disponé di dje, ku ta bisa ku “Tula” ta yegando Kòrsou i mes ora e ta pasa forma parti pa Grupo Ruta, ku ta e grupo ku e mes a funda algun aña tras di lomba.

Dj Bradley a bisa nos ku, “Bèrdat e i “Tula” a kombersá algun den e direkshon ei, pero esaki ta solamente komo artista invitá. Esaki ta nifiká ku for di djadumingu awor kada bes ku nos mester di “Tula” su servisio nos por konta kuné 100%”.

Tambe nos a bisé ku nos tin informashon ku e kantante “Titi” no ta na Kòrsou i ku e ta na Hulanda, Bradley a kontesta ku,”esei tambe ta bèrdat, pero “Titi” a bai Hulanda pa un siman, pa otro siman mes  ta bèk pa asina e kuminsá move normal ku Grupo Ruta”. ‘E Mulina’, sin duda ta bai sigui e moveshon nan aki ku wowo di falki.