“Viva” ta nòmber di e banda nobo na Aruba

184
E tin plan nan hopi serio ku “Viva”

WILLEMSTAD,—-Algun luna tras di lomba ‘E Mulina’, a bin ku e informashon ku dos músiko a bandoná agrupashon musikal D’Licious ta trata aki di Dwayn Raven i Migi Bossman. Mes ora nos a bin ku otro informashon ku e dos músiko nan aki ta bai lanta nan mes un agrupashon musikal.

Wikènt tras di lomba nos a haña informashon ku e banda ku tantu Dwayn Raven i Migi Bossman ta bai forma parti di dje ta kla pa kuminsá move den farándula na Aruba. Nòmber di e banda ta “Viva”. Tambe nos tin informashon ku e banda ta bai hasi su debut no ofisial den Festival di Tumba na Aruba. I e debut ofisial mes lo bai ta despues di e temporada di karnaval.

Nos a keda pone na altura ku “Viva” lo bai kompaña tres kantante, i esaki nan ta Loutiza Raven, Tyson Croes i Dwyan Raven, nos tin ku bisa si mes ora ku e último nòmber esta Dwayn Raven si su partisipashon ta un tiki na duda. Otro kos ta ku ayera tabatin un reunion entre Dwayn Raven i e super popular kantante Jeon, ámbos a keda señalá huntu den un sitio na Aruba, kiko e dos nan aki ta hasi huntu, te na e momentu nan aki ta un misterio pa ‘E Mulina’,. pero nos ta bai traha riba e moveshon ku tin entre Dwayn i Jeon.