E kas den Juan Domingo unda a bai pa buska e sospechoso.
Willemstad— Mainta trempan polis a drenta den un kas na Juan Domingo unda a logra di detené un hòmber ku tabata ser buska basta ratu pa Polis.

Ayera den oranan di mainta trempan un tim di Polis a bai na un kas den e bario di Juan Domingo pa asina por a detené un sospechoso. Tabatin e informashon ku e sospechoso mester ta drumi den e kas. Di un forma profeshonal a yega na e kas di manera ku niun hende no a spièrta for di soño pa asina por a drenta den e kas. Den e kamber enbèrdat a bin topa ku esun ku tabata wòrdu buska i mesora a detené bai warda kuné pa mas investigashon.