Rangelo Janga na banki ayera den derota di FC Astana

191
Rangelo Janga.
FRANSIA—E atakante di nos selekshon nashonal di futbòl, Rangelo Janga, ayera tabata na banki komo suplente i no a logra pa hunga, den wega di su ekipo FC Astana. Esaki tabata den wega bálido pa e kompetensia di Europa League, pa loke ta grupo K.

Su ekipo, ku ta parti di futbòl na Kazakhstan, a topa ku e ekipo di Rennes, ku ta parti di e kompetensia di futbòl na Fransia.

E enkuentro aki a hunga den stadion Roazhon Park na Fransia, unda ku e ekipo di Rangelo Janga a sufri derota ku skor di 2-0.

Ámbos gol di e wega a keda anotá den e parti komplementario di e partido, despues ku e wega a alkansá sosiegu sin konosé anotashon.