Di kantante pa labadó di paña di prezunan  den prizòn

4128
Willemstad—- Segun e kantante artista Wilberto Alvarez ku nunka e la pensa di haña den prizon i awor e ta sera for di su Pais den un prizon ku meramente e konosé un hende.

 

Ayera e  hòmber ku a bin Kòrsou pa un presentashon i a bin hañ’é envolví den aktonan inmoral a keda presentá den korte. Ta trata di e hòmber Wilberto Alvarez ku a bin Kòrsou pa duna un show pero miéntras e tabata den e Hotèl e la bin hañ’é den un dilema ora e la wòrdu akusá di a tene relashon ku un dama kontra di esaki su boluntat. E akusado mes a splika ku e no a tene relashon kontra di e dama su boluntat pero a hasi esaki normal manera  un relashon seksual entre di un hòmber i un dama. Segun e akusado tabata na final di e relashon ku e dama a kuminsá pidié sèn komo pago pa e trabou ku e la kaba di hasi i e na su turno a splika e dama ku e no tin sèn. Einan e dama a rabia i a bai Polis. Segun e kantante ku ta for di e dia ei su bida a kambia kompletamente. E la bai resultá den un prizon deskonosí for di su Pais unda e no konosé niun hende i tampoko. Ora e la resultá den un blòk e la bin hañ’é ku e problema nan mes debí ku e no tabatin niun sèn te pa e hasi yamada pa tuma kontakto ku su famianan. Tambe e no tabatin sèn pa por a kumpra kantina pa asina e por tin algu di kome i bebe. No a keda e nada mas di pasa pa kantante pa labadó di paña den blòk. Awor e tin ku laba paña di e otro detenidonan pa asina por haña karchi di telefon pa por papia ku su famianan i tambe laba paña di manera ku e por haña algu di kantina. Nunka e mes por a pensa di a pasa di  kantante ku  tabata gana su sèn ku vários presentashonnan pa awor un labadó di paña di otro detenidonan den blòk pa por haña loke ku e mester den Prizon.