Hòmber ku a bai pa kima propiedat den Skalo i a kima su mes detené

Despues ku e la rekuperá

816
Willemstad— Despues ku e hòmber a rekuperá di e kemaduranan ku e la sufri mesora e la keda detené i a hib’é pa Prizon.

 

Ta trata di un hòmber di e aria di Prizon ku algun tempu pasa huntu ku otronan a bai den Skalo pa asina por a sende un edifisio na kandela. Kosnan a bai kompletamente robes na momento ku e la bai pa basha e líkido flamabel riba e edifisio i a sende esaki e kandela mester a plama i a kima su mes na gran parti di su kurpa. E dia ei e hòmber a logra di yega su kas den e bario di Koraal Specht na unda a pidi asistensia di ambulans pa asina por a bai Poli kuné. Debí na e gravedat di e kemaduranan e víktima a keda interná den Hospital te na momento ku e la bin rekuperá. Despues di su rekuperashon mesora e la keda arestá pa e kaso di insendio i awor ta investigando e kaso.