Hòmber ku a hòrta telefòn arestá

A bai busk’é te na kas

469
Willemstad—— Den oranan di mainta trempan a logra di detené un hòmber kual tabata wòrdu buska pa un kaso di ladronisia.

 

Djabièrnè 14 di desèmber 2018, alrededor di 07.20or di mainta, polis a detené un hòmber relashoná ku ladronisia. Detenshon di e hòmber B.D.C., nasé na Sto. Domingo di 24 aña di edat, a tuma lugá den área di Parera. A detené e hòmber sospechoso aki relashoná ku ladronisia di telefòn ku a tuma lugá dia 17 novèmber último na altura di un sentro komersial na Fokkerweg.

A presentá e sospechoso dilanti un Fiskal Ouksiliar ku a ordená su enkarselamentu pendiente di mas investigashon.